Azerbaycan free ebook management system www.kitablar.com www.kitablar.org ------------------------------------------------------------------------------------------------------------------ Ebook Title: اسماعیل جمیلی شعرلری Ebook Author: اسماعیل جمیلی Ebook Translator: آذربايجان آذربايجان آنا ديلي بابک آدلی دایانیشما بیز واریق داش بئيينلر گؤزل وطن آذربایجان سن آذربايجان سويله اونودولماز فرزانه یئنه اوخوللار آچیلیر بو گونده-21 آذر گؤزه للیگین آدی قادی سئوگیلي لر گونو توفان يوخوسو آریا قومو آذربايجان آذربايجان اولو بابک وئریر فرمان دالغالانیر قوجا ولکان وارلیغینی هایغیریری اودلار یوردو آذربایجان - آذربایجان ایگیرد قیزلار قوچ اوغلانلار گله جگه اینانانلار یئنی دوران یارادانلار یورویورلر سانکی اسلان - آذربایجان پولاد کیمی بیلک ایله خوش آرزویلا دیلک ایله سئوگی دولو اورک ایله هره یئلماز بیر قهرمان - آذربایجان وقتسیز سولان گولوموزه دوستاق اولان دیلیمیزه قارا گونلو ائلیمیزه شانلی بابک اولوب عنوان - آذربایجان ده ده قورقود نفسی دیر کور اوغلونون نعره سی دیر ستارخانین گّوّله سی دیر بذ قالاسی اولوب میدان- آذربایجان مین اللرین سلطانی سان قورتولوشون فرمانی سان آزادلیغین عنوانی سان آذربایجان ، آذربایجان – آذربایجان آنا ديلي بیز واریق وارسا وطن وارایسه دوغما دیلیمیز اؤیره نیب بیلمه لیدیر اؤز دیلینی ائللریمیز آنا تک جاندان عزیزدیر آنا تورپاق آنا دیل حورمتین ساخلا یاشارکن آنالار قدرینی بیل وطنین کیملیگیدیر وارلیغینین داش تملی کیملیگین بایراغیدیر هر بالانین دوغما دیلی آنا دیلدیر بزه ین دویغولارین اویلاغینی سوسله ین آرزیلاری سئوگی سئوینجین باغینی بولبول اؤز دوغما دیلیله گوله سویلر سؤزونو هر گول اؤز رایحه سیله تانیدار اؤز اؤزونو آنا دیلدیر داشییان لایلالارین جان دادینی آنا دیلدیر یاشادان ائولادینین اؤز آدینی آنا دیلدیر ائلینین تاریخی آیدین تانیغی یوردونون اؤلکه سینین آیناسی سؤنمز چراغی آنا دیلده آنانین سئوگیسی عطری دادی وار آنا دیلده وطنین شانلی شرفلی آدی وار بابک آدلی دایانیشما بابک بوگون بیر آد دگیل یوز ایللری آشیب گلن عصیرلره یئنیلمه ین قهرمانلیق دستانیدیر ده ده قورقود ائللرینین ایگیرد اوغلان قوچ قیزلارین اوزانلرین ، قوپوزلارین کیملیگینین کئشیگینده یئلمازلارین وارلیغینین عنوانیدیر بابک آدلی دایانیشما گله جگه آرخا دوران قورتولوشا کؤرپو اولان کؤنوللرده سارای سالان چنلی بئلده دولت قوران ملتیمین فرمانیدیر. داغ داغ دردی داغا دؤنن دؤنه دؤنه درده دؤزن گؤزگو کیمی بوز گؤل ایلن دینج گؤرونن ساوالانین وولکانیدیر ائلی دوستاق دیلی یاساق آنلی آچیق ، ایگیرد قوچاق ترک ائلیمین سهندیدیر سلطانیدیر. بذ قالاسی داش قایالاردان اولوشان بولودلارا سینه گرن زیروه ده بیر قالا دگیل کئچمیشیمین ، وارلیغیمین اؤلمز ، سؤنمز چراغیدیر قودوز قودورقان یادلارا قارشی گلن قدرتیمین اوجاغیدیر ظولمه زورا خیانته گئریلیگه جهالته باش ایمه ین سئوگیمیزین اوردوسودور گووه نیدیر دایاغیدیر بابک بوگون بیر آد دگیل آرزولارلا ییرقالانان اوره کلرده دالغالانان آذربایجان ملتینین بایراغیدیر بیز واریق آیردیلار یول یاریه چاتمادان آیریمچیلار یولوموزدان بیزلری بیز دوز یولون دوزلوگونه وارمادان ایری یولون بیتیردیلر اؤزلری بیز گووندیک دوز ایناما دوز یولا بیر باخمادیق تله قوران ساغ سولا چاتدیرمادان یولو باشا قول قولا بیزه دشمن گؤرستدیلر بیزلری آلچاقلاری شیشیتدیلر داغ اولدو مزارلاری بزه دیلر باغ اولدو بیز قارا گون ، کؤمور اوزو آغ اولدو یئنه بیزی گؤرنمه دی گؤزلری دوشونمه دن یول کیمیندیر آتلاندیق بیزه غنیم اولانلارلا یوللاندیق یاری یولدا یولداشلارا تالاندیق آختاراندا دؤنوملرده دوزلری بیر گون باشا چاتاجاقدیر آیریلیق یوبانسادا گله جکدیر آزادلیق بؤلونساقدا ، تالانساقدا بیز واریق کول آلتیندا ساخلامیشیق کؤزلری داش بئيينلر دیره نمیش کین کاساسی یئرتیق دومانلی گؤزلر آچیلمیش یالان دولو کوفسه میش سورتوک آغیزلار اویوخموش سیرتیق اؤزلر قارالتیلار یئغینجاغی یوز ایللرین اوز قاراسی قانمازلیغین اویونجاغی سورو سورو سوروننلر قارا بختین قارا سینا بوروننلر اؤلومه موشتولوق ایسته ینلر دیریلرین قانین سوروب اؤلولری بسله ینلر جهالتین توزاناغی قوتسال قباحت دوزاغی چال ساققالی شیشمان شیطان قیزارمادان بوزارمادان قان توکمه گه وئرن فرمان میدانچادا یاری گؤمولن بیر انسان داش بئیینلر اللرده داش داشلاماغا یاریشیرلار بیر قادینی یارانیشین اوجاغینی محببتین قوجاغینی بوزاران گونش بولودا بورونور اوتانجیندان آخشاما سورونور قوشلار قیسیلیر اوزاقلارا دورمادان انساندان اوتانیر انسانلیق هر آن سؤزه سیغمیر قوتسال آچیق جنایت نوختا قیران یوبازلیق کورامال نفرت اؤزلره سؤزلره سوواشان ذللت گؤزل وطن آذربایجان هاردا اولسام کؤنلومده سن سنسیز بیر آن اولمارام من هئچ یاشارمی جانسیز بدن ائل اوباسی قدیر بیلن گؤزل وطن آذربایجان گؤزه للری دسته دسته اوجا بویلو بویو بسته مارال کیمی مغان اوسته هریئرچیچک هر یئر چمن گؤزل وطن آذربایجان آرزوموزون دوراغی سان سئوگیمیزین اوجاغی سان آزادلیغین بایراغی سان عصیرلره سینه گرن گؤزل وطن آذربایجان داغلارینین بئلی چنده یاغیلاری دوشن بنده ساوالانین سینه سینده سینه داغلی لاله بیتن گؤزل وطن آذربایجان آراز آدلی چایی آخان آیریلیقدان یانیب یاخان گله جگه آیدین باخان ائولادینا گؤزون تیکن گؤزل وطن آذربایجان نظامی وار خاقانی وار صائبی وار قطرانی وار شهریاری ، حیرانی وار هر بولبولو نغمه دئین گؤزل وطن آذربایجان بابک لری قلعه قوران اؤز یوردونا صاحب دوران یاغی یادین بوینون بوران ایگیرلره اولان مسکن گؤزل وطن آذربایجان بیر گون بیتر سایسیز یاران تخته چیخار خان ساوالان اؤز ائلینه سهند ساطان اولار یئنه بهره وئرن گؤزل وطن آذربایجان بئشیگیمین سؤزو سنده اوجاغیمین کؤزو سنده جمیلین وار گؤزو سنده حیاتیما نور چیله ین گؤزل وطن آذربایجان سن آذربايجان سويله سن آذربایجان سؤیله نه چون آذر به جان اولدون اونوتدون اؤز درین دردین، یادین دردین آلان اولدون چتین گونلرده ایرانین بلاسیندا یانان اولدون وئریب ائولادینی قربان، اؤزون یالقیز قالان اولدون یاشیل یوردوم باهار ایکن نه ده ن سولدون خزان اولدون کئچن یوز ایلده یوزلر یول دؤیوشدون مین یارا گؤردون دایاندین ، سینمادین دؤزدون، وفا ائتدین جفا گؤردون کیمین چکدین بلاسین سن همان یئرده ن بلا گؤردون سویولدون، پای بؤلوش اولدون یاد اللرله تالان اولدون سن آذربایجان سؤیله نه چون آذر به جان اولدون دؤیوشدون ، دوشمنه غالب گلیب مشروطه نی آلدین قیز، اوغلان قهرمانلارلا آدین دیلده ن دیله سالدین سونوندا یادلارا اویدون، الی بوش چاره سیز قالدین بوتون ایرانه باش اولدون اؤزون باشسیز قالان اولدون سن آذربایجان سؤیله نه چون آذر به جان اولدون ایگرد ستاریوین قبری ایاق آلتیندا غربتده آدی سردار ملی دیر ولی بوش سؤزده صحبتده وطن قوینوندا یاتسایدی یاشاردی اوج عزّتده ایناندین فتنه کار یادی اؤزون قبرین قازان اولدون سن آذربایجان سؤیله نه چون آذر به جان اولدون ائدیبدیر پای بؤلوش مرکز سنین پایین اولوبدور چول مین ایللر شاه اولساندا، دیلین باغلی اولوبسان قول نه یین یوخدور دئیم، یوخدور، قوی اولسون ائللرین یوخسول دویوردون اؤزگه لر قارنین ائوینده آج یاتان اولدون سن آذربایجان سؤیله نه چون آذر به جان اولدون سن اؤز فکرینده اولسایدین، بو گون بو گونده اولمازدین وفا سیز یادلارا خاطر، اؤزون مین درده سالمازدین کویرین کندلری آباد، سن ویرانه قالمازدین گلنده هر جفا تیری بیرینجی سن نشان اولدون سن آذربایجان سؤیله نه چون آذر به جان اولدون غازان خانلار سراییدین قوجا شرقین چراغیدین نظامیلر، فضولیلر، هنر علمین اوجاغیدین تمّدونله ترّّّ قیله بیرینجی سن ایاغیدین یادا وئردین کهر آتین، اؤزون آخسار چاپان اولدون سن آذربایجان سؤیله نه چون آذر به جان اولدو گووه ن ائولادینا آنجاق، اؤزون قیل دردینه چاره کؤنول وئرمه شکر دیللی، هر آن اویناشلی دیلداره فيریلداقدیر دئسه هر نه بوراخ گئتسین اوزو قاره جانین قویدون سؤزون اوسته بو یولدا امتحان اولدون سن آذربایجان سؤیله نه چون آذر به جان اولدون پریشان سئوگیلی یوردوم سنه قوربان سئوه ن جانیم توکنمز وارلیغیم سن سن، سنینله وار آدیم سانیم اؤزون چون بیر اؤزون گوستر، دیریلسین شهرتیم شانیم گلر آزادلیغین عطری او گون کی سن عیان اولدون سن آذربایجان بیرده بو خیر ایشده گمان اولدون اونودولماز فرزانه ائل یولوندا عومور بویو جان قویان قوجالمایان افسانه یه عشق اولسون بایاتی تک وارلیغی سونسوزلاشان اونودولماز فرزانه یه عشق اولسون یئری دولونماز بیر ایتگیدن سوزه سیغماز بیر آجیدان سونسوز بیردورو سئودادن سورگوندن سورگونه داشینان یاشانان بیر سئوگیدن اومود بولاغیندان ائل دایاغیندان یورد چراغیندان انسانلیغا اولگو بیر انساندان سؤزو سولماز بیر گولوستاندان بایاتیلار باهاریندان آنادیلین دیاریندان وقتسیز سولان بیر چمندن حسرت اولان بیر وطندن سؤز دئمه یه سؤز دایانیر سؤز اوتانیر سؤز آغلایی یئنه اوخوللار آچیلیر یئنه اوخوللار آچیلیر یادلاشماغی اؤره تمه یه یوردوموزون بالالاری اؤزگه دیلده آغزین ایه یئنه باشلیر گؤز اؤنونده کیملیگیمیز تالان اولسون فضولونون نسیمی نین چیچک دولو باغی سولسون دوغما دادلی یوخوموزو یاد ایسته ییر خواب ائیله سین آینا بولاقلارین سویون بولاندیریب آب ائیله سین باجی قارداش اونودولسون عزیز آنام مادر اولسون حیدر بابا قان آغلاسین شهریارین گؤزو دولسون خزان چاغی باغلار کیمی وارلیغیمیز یارپاق تؤکور اؤز دیلیمیز سوسدورولور اؤزگه دیلی قولاق سؤکور یئنه اوخوللار آچیلیر وارلیغیمیز دوستاق اولا تالان اولان یوردوموزدا آنا دیلیم یاساق اولا بو گونده-21 آذر بو گونده دیل آچدی آنا طبیعت هر شئی اؤز آدیله گولدو اوزومه بو گونده کیملیگیم قازاندی دولت دونیا گؤزه للندی گولر گؤزومه بو گونده یوردوندا قوجا بابکین ستارخان ائلینین اسدی بایراغی بو گونده قانیله قهرمانلارین لاله یه بوروندو ساوالان داغی بو گونده سیلاحلا اؤلچولن تورپاق قالادی آرزیلا اومود اوجاغین یوردونا دیلینه ائل اولدو دایاق یاندیردی اؤزگورجه کندی چراغین بو گونده قورولدو میللی اوردوموز قورویا وطنی آزادلیق اوچون بو گونده اؤلکه سین سئون اوغلان قیز چیرمادی قولونو آبادلیق اوچون بو گونده آنا دیل آنا یوردوندا دیل آچدی یاشادی یاشاتدی بیزی ائل گوجو سئل گوجو دوغرو یولوندا آزادلیق قبله سی قیلدی تبریزی بو گونده قودورقان قوللوقچو یادلار آسدیلار کسدیلر سئوگی دیارین قورودو فیدانلار یاندی کتابلار قارا قیش تالادی آرزی باهارین آزادلیق دوشمنی ساتقین ظالیملر اون مینلر انسانین توکدولر قانین ائلینی دیلینی دوستاق ائتدیلر ایگیتلر اؤلکه سی آذربایجانین گؤزه للیگین آدی قادی مین ایللرین آخیشیندا درین دردی انسانلیغین اوز قاراسی قورخو دولو اینانجلارین باخیشیندا آجیلاری تاریخین آچیق یاراسی یاشامین ایره لیشی دونیانین یاریسی قادین یارانیشین اینجه ایشی گؤزه للیک تانریسی قادین قارا گونلر قامچیسیله ایره نج دیاز یاسالارین اوراغیله نوختا قیران هوسلرین کوف قاپسایان یازیلارین یاراغیله قول بازاریندا اوجوز آلینان سویولان دریسی قادین جنّتلرین باها ساتیلان اویدورما پریسی قادین بوش سؤزجوکلر بوکویونده بوکولن سؤمورگه نین جایناغیندا سؤکولن جانیندان جانلار بؤلن تانریلارلا دوران یان یانا قادین سئوگیسی اوغروندا اؤلن سئودا گؤلونده سونا قادین یازدا قیشدا عطیر ساچان چیچکلی دال لایلالارین دوداغیندا گوندن گونه دادلانان بال سئویلمه دن سئون قوتسال یاشامین معناسی قادین یارینلارین آناسی قادین سئوگینین دادی قادین گؤزه للیگین آدی قادین سئوگیلي لر گونو سئوگیلی لر گونونده یم سئوگیلیمدن اوزاقلاردا آیریلیغین الینده یم سئوینجلریم دوزاقلاردا نه سن وارسان نه ده آنام نه گول واردیر نه ده چیچک یوللا اوزون عومور قیسسا آیریلیغا دؤزمور اوره ک بوردا اسمیر پنجره مدن ساوالانین ایلیق یئلی بوردا آلمیر درد غمی گؤزلرینین سئوگی سئلی خاطره لر دفتری دیر دولاندیغین یئر لر منسیز آیریلیغین غزلیدیر سنسیز منسیز قالان تبریز وقتسیز خزان اسدی بیزه گؤروش یئری تالان اولدو ایستگیمیز یاد اللرده دوستاق اولدو قالان اولدو سئوگیلیلر آیری دوشدو وصال چاغین هجران آلدی ایلک باهارا اومودلانان باغ باغچانی خزان آلدی آرزی دولو اؤره گیمیز اولدو یئنه غم چناغی توی گؤزله ین آنامیزین گولمز اولدو گول دوداغی سئوه نلری آیری سالان یارامازا قارقیش اولسون آیریلیغا باش ایمه ین سئوه نلره آلقیش اولسون توفان يوخوسو سانما یوخلاییبدیر سس سیز سمیر سیز دئمه چؤکوب شهره اؤلوم قورخوسو گئجه نی دالغا سیز یاشایان دنیز سحره گؤرورو توفان یوخوسو باخیشلار پایلاشیر مین بیر گیزلینی دوداقلار سوسسادا کؤنوللر دویور یوز ایللر بوکمه ییب ارکین بئلینی هله ده وارلیغین ، ائلین قورویور بوز گؤلون مورگولو گؤروب آلدانما ساوالان کؤکسونده جوشان وولکاندیر گؤردوگون قارا گون بو ائل بو تورپاق ایگیردلر بئشیگی آذربایجان دیر بو یئرده آرخانی گؤره ن گؤزلر وار هامارلار اوچوروم دؤنوملر دوزدور بو یئرده یایئنی چکن سازلارین سنگری ماهنی لار اوخلاری سؤزدور آتیلان قورشوندور هر بیر بایاتی ستارخان توفنگی بو گون قلم دیر بیلگی یاراقینا ساریلان اوزان کؤکسونده قوپوزو قورقود ده ده م دیر بو یئرده بئشیکده ن باشلانیر دؤیوش گئچیلمز یوللاری آشیر لایلالار قارانلیق گئجه لر قودوراندا قیش اومود باغچاسیندا گول له نیر باهار آزادلیق هایقیران بابک قالاسی چاغلا ایاقلاشان سینماز اوردودور سوسماز نسیمی سی سویوللارسا دا بورا آذربایجان اودلار یوردودور آریا قومو آریا قومودی داش مشدی دی داشدی قافاسی سؤزونون صحبتینین قاسدی یالاندی مایاسی هامیسی یاخشیدی یوخدی یاواسی بوش باشیندا دولانار کئچمیشین عقلی کورالدان هاواسی آریا قومودی پیغمبری فردوسیدی کوروش باباسی شاهنامه کتابی مرکز قدرت یوواسی کعبه سی قبله سی لندن قاریمیش کوهنه ماسونلار ماماسی پول داوارجیغی واشینگتون روسوفیللر تایاسی آریا قومود ی هئچ قوما جالاشماز بالاجا خرداجا فرهنگ وقبیلیله قاریشماز کشف اولاندان بئله دیر افسر وبرتر یونتالانماز دئییشیلمز قالاجی ثابت وبهتر بوش سؤزون ادعانین لاپ اؤزودور عملین حکمت وعقلین هاوادا دیلده دوداقدا سؤزودور یارانان گوندن اهورایی دی انسانلا بشرله بشرییتله باریشماز آریا مکتبی دیر بیر آز ییغما بیر آز الده قاییرما بیر آز مونتاژ داخیل بیر آز اؤزگه دن آلما جعلی رنگه بویانیر کن شووونیزمین تیانیندا باسا باس منطیقی حکمیله شیشر ملّت اولار پرسیا اسگیسینه بورگه له نر دولت اولار آریا قومونا دقّتله گولوم ائیله نظر چوخ گیریشمه آییق اول واردی خطر سولونوندا ساغینیندا ثمری یوخدی بیزه بوزونوندا آغینیندا ضرری چوخدی بیزه کئچمیشی تاریخی بیر یادینا سال ائلینین تورپاغینین قیدینه قال واردی افشین کیمی یوزلرجه مثال آریا قومودی میدان فریلداقدا تهمتن گولوشویله گؤروشویله گوجو آللاتمادادیر یاماییب بیر بیرینه کوفلو مالین ساتمادادیر بیزه گلدیکده اؤزون خا لص و پاکیزه بیلر مظلومودا ظالیمیده تانیماز حق برابر بیزه دیوانه سیده عاقیلیده بیزه بیر گؤزده باخار عالیمیده جاهیلیده اؤزونو شش چپ واعلا دوشونر ناقیصیده کامیلیده بو بلالر کی بو گون نازیل اولور دیلی داغلی قولو باغلی ائلیمین رنگی سولور یارالی کؤنلوموزه درد و غم و غصه دولور هامیسیندا شووینیزمین الی وار بارماغی وار بو قودورقان ایلانین یوز دونو یوز جایناغی وار