RSS نه‌دیر؟

“Really Simple Syndication” كلمه‌سينين قيسالتميش ايسمی اولان RSS بير وب‌سيته يا وئبلاقی زيارت ائتمه‌دن، ايسته‌ديينيز زامان، يعنی بير يازی يازيلديغيندا، بيلگی‌سايارينيزدا بو يازينی اوخوماغا اولاناق ساغلار. RSS تئكنولوژيسی، وئبلاقلار اوچون قاچينيلماز بير تئكنولوژی اولماقلا بيرليكده، بيرچوخ اينسان، گله‌جه‌يين -ايمئيلی سوللايابيله‌جك، ايله‌تيشيم يوندمی اولاراق باخير. RSS، بير باخيما، سيزدن تئلئفون ايسته‌يه‌ن بيرينه، “سيز منه نومره‌نيزی وئرين، من سيزه زنگ ائده‌رم” دئمه‌نين تئكنولوژيك يوندميدير.  بير سيته‌نين RSS بسله‌مه‌سينی اوخومانيز اوچون بير RSS اوخويوجوسونا احتياجينيز وار.
ويندوز اوچون FeedDemon و  Sharpreader و RSSOwl و RssReader و FeedReader پروقراملاری، وب اوزريندن ايسه Bloglines و گوگل اوخويوجو  و Netvibes و Google ig و Eskobo سيته‌لرينی قوللانابيلرسينيز. بو پروقراملاردان هر هانسی بيرينی سيستمينيزه ائنديريب، قوردوقدان سونرا، RSS اؤزللييی اولان هر هانسی بير سيته‌نين RSS بسله‌مه‌سينه آبونه اولوب، او سيته‌نی راحاتليقلا تعقيب ائده‌بيلرسينيز. اؤرنه‌يين، يوخاريدا سؤزونو ائتدييم پروقراملاردان بيرينی ائنديريب، قوردوقدان سونرا، آشاغيداكی لينكی RSS اوخويوجو پروقراما اكله‌رسه‌نيز، “توران”ا آبونه اولابيلرسينيز.*

http://feeds.feedburner.com/toran/

opml فايللاری
RSS اوخويوجولار حافظه‌لرينده‌كی وئبلاق RSS آدرسلرينی opml فايل تيپينده ليسته شكلينده ساخلانابيلر. بو شكيلده RSS ليسته‌ميزی بير آرخاداشيميزلا پايلاشابيلر، RSS اوخويوجوموزو  ده‌ييشديردی‌ييميز زامان ديشا انتقال وئريب ﴿export﴾، يئنی RSS اوخويوجوموزا منقل ائده‌بيلريك ﴿import﴾. اوخودوغوم وئبلاقلارين RSS ليسته‌سينی ﴿بير نئچه‌سينی!﴾ بو فايلا قويدوم. بو فايلی RSS اوخويوجو پروقرامينيزا import ائتسه‌نيز بوندان بئله بو وئبلاقلارا گيرمه‌دن، يازيلارينی تعقيب ائله‌يه‌بيلرسينيز.

RSS آدرسلری
چوخو وئبلاقلار، صحيفه‌نين بير گوشه‌سينده RSS آدرسلرينی يازارلار. اوخودوغونوز وئبلاقلارين RSS آدرسی صحيفه‌ده يازيلماييبسا، بونلارا بنزر آدرسی اولار بير وئبلاقين فيدی:

اسكی بلاگر اوچون : http://blogname.blogspot.com/atom.xml
يئنی بلاگر اوچون: http://blogname.blogspot.com/feeds/posts/full ﴿يارديم﴾ یا دا http://blogname.blogspot.com/feeds/posts/default?alt=rss
بلاگفا: http://blogname.blogfa.com/rss.aspx
پرشين‌بلاگ: http://blogname.persianblog.com/rss.xml
ووردپرس وئبلاقلاری: http://blogname.com/?feed=rss2
دوزنله‌نميش ووردپرس وئبلاقلاری: http://blogname.com/feed
ووردپرس سيته‌سينده اولان وئبلاقلار: http://blogname.wordpress.com/feed
مووئيبل‌تايپلا گوجله‌نميش وئبلاقلار: http://blogname.com/index.rdf
بعضی وئبلاقلار Feedburner سيته‌سينين ايمكاناتيندان قوللاناراق، فيد آدرسلرينی بئله‌جه ده‌ييشديريرلر: http://feeds.feedburner.com/blogname
ايلگيلی لينكلر:
طراحان وب و فيد، توضيحات، ترفندها و راهكارها ﴿بو يازينی بير اردبيللی اِلينه تورك يازيب!﴾
RSS ويكی پئديادا
RSS حاققيندا بيلگی
RSS نه‌دير؟
گوگل ريدئر
RSS تئكنيكلری و RSS  اوخويوجولار

قایناق: RSS نه دیر؟ (گونجللندی) « Toran
آشاغیداکی قایناقلار ایسه مندندیر: